Victorgia istorica
Celerina-Surses 1:2 (1:1)
An 30 onns ō igl CB Surses betg gudagnea bleras gedas orsoura cunter Celerina. La davosa geda igl 2001 cun 2:0. Igls davos onns čgl adegna do taradas cun blers gols. Dumengia passada č ena ulterioura victorgia stada realitad.
DA GION NUTEGN STGIER
Plaz da ballape San Gian 40 fans
CB Surses: Diego Demarmels, Philipp Berri, Fadri Demarmels, Giatgen Poltera, Sascha Janutin, Dario Kolb, Manuel Mareischen, Richard Kloter, Fabian Augustin, Beat Sonder, Damian Cadotsch.
Reserva: Curdin Baltermia, Dario Albertin, Gabriel Durisch, Giatgen Mitgel Bellini, Remo Cereghetti.
Siva dus rundas digl campiunadi da ballape 2009/10 ō igl CB Surses gio ossa daples puncts sen igl sies conto (4) tgi tar la maestranza digl davos onn, siva diesch gis. Siva digl pari da 0:0 cunter Untervaz ō l'equipa dad Urs Keller battia Celerina e chegl an Nagiadegna. Victorgias orsoura cunter igls Engiadines čn ena raritad e la davosa datescha digl 2001. Cun en 2:0 veva igl CB Surses banduno igl plaz da ballape San Gian a Celerina. Avant en onn ō l'equipa surmirana casso betg manc da set gols e betg fatg egn ainten chel gi cunter Celerina, tgi totga tar egna dallas pi fermas equipas da tgesa dalla 4. ligia.
En colp da testa
Vurdo sur igl antier gio ō igl CB Surses betg angulo la victorgia. Per gudagner dovrigl magari er furtegna e gist chella ō betg mantgea las davosas minutas digl gi agls Surmirans. Curt siva tgi igl arbiter ō do liber la parteida on igls Engidiens gia an terma da diesch minutas dus bungas schanzas da far igl gol d'avantatg. Fatg igl 1:0 ō alloura igl CB Surses siva 20 minutas. En corner č sto la situaziun da partenza digl gol d'avantatg pigl team dad Urs Keller. En spezialist tar las situaziuns da corner č Fadri Demarmels tgi ō marco cun en colp da testa da belezza, igl 1:0 pigl CB Surses. Angal diesch minutas sessour ō l'equipa indigena marco igl pari mirito. Er Celerina ō profito dad en corner e fatg igl 1:1.
Profito digl sbagl
La sagonda mesadad č stada dei fitg angulivada. Bunas schanzas da far igl 2:1 pigl CB Surses on gia Richard Kloter, Curdin Baltermia e Beat Sonder. Giuia eran 60 minutas cura tgi Damian Cadotsch ō fatg igl ulteriour gol d'avantatg pigl CB Surses. Tar igl 2:1 ō igl attatgeder profito dad en grond sbagl digl goli da Celerina ed angal gia da trer la balla sur la lengia. Igl goli engiadines ō laschea crudar la balla gist davant igls peis da Damian Cadotsch. Chel ō naturalmaintg nizigia chella occasiun e cun chel schoz fatg igl gol decisiv aint igl derbi tranter Celerina ed igl CB Surses. Las davosas diesch minutas on igls Surmirans gia furtegna da betg cassar igl pari e gia blers sontgs tgi on gido. Tuttegna para igl CB Surses da far ena impressiun pi frestga, da giuier cun daple tgatsch ed er cun ena miglra tenuta mentala tgi aint igl campiunadi da ballape digl onn passo. An mintga cass č igl success da dumengia passada ena victorgia istorica.
