Fatg igl sies dueir e betg daple
Surses-Mladost 2:0 (2:0)
Igl pi impurtant čn igls treis puncts tgi igl CB Surses ō gudagnea vetiers. Er cun giuier ena mesadad an surdomber č betg sto pussebel da far daples gols. Per Mladost čgl do dus cartas cotschnas.
DA GION NUTEGN STGIER
Plazza d'Ava Tinizong, 50 fans.
CBS: Diego Demarmels, Philipp Berri, Giatgen Poltera, Fadri Demarmels, Dario Kolb, Manuel Mareischen, Linard Sonder, Sascha Janutin, Mischa Wasescha, Placido Helder, Beat Sonder.
Reserva: Dario Albertin, Curdin Baltermia, Damian Cadotsch, Gian Andri Dosch.
Absents u blessos: Fabian Augustin, Giatgen Mitgel Bellini, Remo Cereghetti, Gabriel Durisch, Paulo Ildefonso, Richard Kloter, Riccardo Simonet.
Giast a Tinizong č sto igl team da Mladost. La premaveira passada ō l'equipa gia da far igl zap dalla 3. ligia ainten la ligia pi bassa. Siva dalla relegaziun č igl tschep dalla squadra sa retratg ed igl team ō scumanzo igl campiunadi cun blers giuieders giovens. Er sonda passada ins ō dalunga vasia tgi agl team mantga la rutina e l'experientscha. Cun la furma tgi igl CB Surses ō chest onn vess l'equipa dad Urs Keller gia da marcar blers daples gols. Crudos čn alloura angal dus e tots dus ainten l'amprema mesadad.
Daple pressiun digls giuieders da mez
Strousch tgi igl gi ō scumanzo ō Mischa Wasescha gia cun en colp da testa disfurtegna. Angal per pac centimeters č la balla eida sur igl gol. Igl CB Surses ō er las ampremas 20 minutas betg fatg l'impressiun da perder chel gi. Persvadia on surtot igls giuieders da mez, Sascha Janutin, Manuel Mareischen e Linard Sonder. Els treis on procuro per daple pressiun e caschuno agls defensours da Mladots varsaquants problems. Igl 1:0 pigl CB Surses ō fatg Sascha Janutin siva 20 minutas. Cun en belezza schoz da 22 m ō el battia igl goli digls hosps. 12 minutas sessour ō Sascha Janutin do ena bela flanca a Mischa Wasescha e chel ō concludia l'acziun cugl 2:0. Mladost ō ainten las ampremas 45 minutas strousch gia ena schanza concreta. Curt avant la pôssa ō en giuieder digls hosps ratschet ena carta cotschna e cotras č igl gi sto a fegn per el.
Cun en nov portughes
La sagonda mesadad ō igl CB Surses antschet cun en giuieder daple sen igl plaz. Vers la fegn digl gie eran igls indigens perfign 11 cunter 9. Igl muteiv č sto tgi en ulteriour defensour da Mladost ō gia dad eir pi bod sot la duscha. Agl CB Surses č an mintga cass betg reuschia da profitar da chel surdomber sen igl plaz. Nov tgatsch aint igl team digls indigens ō purto Placido Helder, en giuieder da Portugal tgi ō anfignen ossa giuia tar Luso Coira. El dominescha la tecnica cun la balla, č svelt e sagetta tant scu pussebel sen igl gol. Tant el scu Mischa Wasescha e Damian Cadosch vessan gia la pussebladad da far ulteriours gols pigl CB Surses. Chegl vala pero er per Beat Sonder tgi ō dus gedas mantganto cun sies schoz igl gol da Mladots. Ultra da chegl ō igl CB Surses gia pac cletg cun tutgier dus gedas la pitga. Ena seira ple tgi quieta ō gia sonda passada Diego Demarmels, igl goli digl CB Surses. Durant igl antier gi ō el betg gia d'intervigneir bleras gedas. Dumengia proxima (14.00) gioia Urs Keller cugl sies team a Celerina cunter Lusitanos de Samedan, l'equipa ferma da Portugal tgi ō anfignen oz betg pers en gi.