CB Surses - FC Sedrun 5:2 (2:1)

I vo er cun giuier simpel

 

Amprema victorgia pigl trenader Urs Keller e la sia equipa. Cun ena fitg buna prestaziun collectiva ō igl CB Surses termino igl gi cunter Sedrun. Beat Sonder ō fatg dus gols.

 

DA GION NUTEGN STGIER

 

Plaz da ballape Tinizong, 30 fans.

 

CBS: Flavio Sterli, Philipp Berri, Fadri Demarmels, Dario Kolb, Sascha Janutin, Moreno Guetg, Linard Sonder, Richard Kloter, Manuel Mareischen, Fabian Augustin, Beat Sonder.

Reserva: Riccardo Simonet, Curdin Baltermia e Diego Demarmels.

Remartgas: igl CB Surses sainza Giatgen Poltera, Paulo Ildefonso, Claudio Casparin e Dino Augustin. Igl trenader da Celerina Jürg Roth tranter igls aspectatours. Plievgia durant igl anteir gi.

 

Sponsor dalla balla: Angelo Simonet, autoscola, Casti.

 

Gist treis da tschintg gis ainten la gruppa digl CB Surses čn davantos l’unfrenda dalla plievgia. A Tinizong dantant sa preschentava igl plaz an ena buna relaziun ed igls dus teams on savia giuier cun cundiziuns regularas. Pigl CB Surses davigl navot oter tgi da gudagner e finalmaintg nudar igls amprems treis puncts sot la reschia digl trenader Urs Keller. Igls giuieders eran ple tgi motivos ed on bagnspert musso la viglia duevla per batter l’equipa Sursilvana. Tuttegna ō igl gi betg gist scumanzo ideal per igls indigens. Siva quatter minutas ō igl arbiter do en penalti cunter igl CB Surses e Sedrun ō fatg igl 1:0. Igls Surmirans on dalunga reagea e fatg daple squitsch ed ainten la 11. minuta ō Richard Kloter marco igl pari. Varsaquantas minutas pi tard ō Flavio Sterli cun ena parada grondiousa evito en ulteriour gol per Sedrun. Schanzas da far anc ulteriours gols per l’equipa indigena on gia Dario Kolb, Sascha Janutin e Fabian Augustin. Igl 2:1 pigl CB Surses č crudo 13 minutas avant la pôssa e fatg igl gol ō Beat Sonder.

 

Belezza gol da Fabian Augustin

Er siva dalla pôssa on igls indigens domino, dantant an 15 minutas betg gia schi bleras schanzas concretas. Las miglras pussebladads da far igl 3:1 on gia Fadri Demarmels e Linard Sonder. Igl adversari č surtot sto privlous cun conters. Siva 67 minutas ō Fabian Augustin termino ena bela acziun cun Richard Kloter cugl terz gol pigl CB Surses. Siva da chel on igls hosps fatg pressiun e daveiras marco igl 3:2.

 

Flavio Sterli era an furma

Igls Sursilvans levan an tottas modas e manieras far igl 3:3, dantant fatg igl chint sainza igl goli digl CB Surses tgi ō tignia varsaquants schozs. Dus minutas avant la fegn ō Beat Sonder fatg igl 4:2 siva d’ena cumbinaziun simpla cun Ricardo Simonet. Anc pi bel tgi chel gol č sto chel da Fadri Demarmels tgi el ō naturalmaintg fatg cun la testa. La victorgia da 5:2 č stada ple tgi miritada e finalmaintg ō igl CB Surses giuia simpel, cumbino pondero e gia success. Sonda proxima gioian igls Surmirans orsoura cunter igl magnatabella Celerina.