FC Celerina - CB Surses 7:0
Mender sogl betg neir
Debachel pigl CB Surses da l’otra vart digl Gelgia. Eneda daple è sa musso tgi Celerina è e resta igl adversari da tema digls Surmirans. Igl CB Sures ò giuia cun ena tenuta discutabla.
DA GION NUTEGN STGIER
Plaz da ballape San Gian, 50 fans.
Ora ampernevla e surtot nign vent da Maloja.
CBS: Dino Augustin, Philipp Berri, Fadri Demarmels, Sascha Janutin, Giatgen Poltera, Dario Kolb, Richard Kloter, Manuel Mareischen, Linard Sonder, Beat Sonder, Diego Demarmels.
Reserva: Fabian Augustin, Riccardo Simonet.
Igl CBS sainza Flavio Sterli, Paulo Ildefonso, Moreno Guetg e Curdin Baltermia.
La victorgia da Celerina cunter igl CB Surses è stada la quarta an seria per igls Engiadines. Igls Surmirans eran visos dalla fermezza digl adversari e tuttegna betg piglia igl gi per schi serious. Bagndalunga ins ò vasia tgi agl CB Surses mantgeva igl duevel tgatsch per far aglmanc en punct cunter igl magnatabella. Ultra da chegl ò igl arbiter er betg gist adegna tschivlo an favour digls Surmirans. Vurdo sur igl antier gi è la sia prestaziun betg stada bler miglra tgi igl gi digls Sursetters. Da dar pero agl arbiter la colpa pigl debachel digl CB Surses fiss tot oter tgi sbaglea. L’equipa dad Urs Keller era simplamaintg betg preschainta e chegl vala per tots 13 giuieders.
Er betg Celerina ò persvadia
Igl CB Surses ò er fatg simpel agl adversari e darar musso resistenza. Vurdo sur igl antier gi vessan igls Engiadines betg mirito set gols. Cunter en oter adversari tgi igl CB Surses vess l’equipa engiadinesa strousch fatg set gols. Vasond las dus equipas ins ò gia l’impressiun tgi seia en gi dalla 5. ligia e chegl anc tranter igls dus pi debels teams. Celerina ò nizigia mintga sbagl dalla defeisa digl CB Surses, marco dus gols ordvart posiziun e survagnia en penalti discutabel. Igls Surmrians on strousch gia la pussebladad da far aglamnc igl gol d’onour. Per la cuntinuaziun digl campiunadi ò igl CB Surses da giuier cun ena miglra tenuta, cun ple plascheir e cun ple angaschamaint pertge schiglio bavegna ainten la 5. ligia.