Tanta furtegna ins ō angal eneda
Surses-Trun/Rabius 1:0 (1:0)
En gol furtino ō decidia igl amprem gi da tgesa dalla runda da premaveira digl CB Surses. Vurdo sur las 90 minutas vessan igls Sursilvans ple tgi mirito en pari. Lequipa da tgesa ō persvadia cun en bung spiert da cumbat.
Plazza dAva, Tinizong, 50 fans.
CBS: Beat Wasescha, Philipp Berri, Fadri Demarmels, Giatgen Poltera, Sascha Janutin, Dario Albertin, Curdin Baltermia, Manuel Mareischen, Fabian Augustin, Beat Sonder, Giatgen Mitgel Bellini.
Reserva: Paulo Ildefonso, Moreno Guetg, Diego Demarmels, Gabriel Durisch.
Blessos u farmos: Linard Sonder, Dario Kolb, Richard Kloter.
La bilantscha digl CB Surses dalla runda da premaveira era avant igl gi cunter Trun/Rabius tot oter tgi positiva. Cunter Lumnezia on igls Surmirans fatg en 1:1, a Schluein ō igl CB Surses pers cun 5:1 ed orsoura cunter Panadoz gist pers cun 6:0. Rango č igl CB Surses sen igl sagond davos post dalla tabella cun total quatter puncts. Aglmanc sen igl palpieri era Trun/Rabius pi ferm cun aveir gio 21 puncts sen igl sies conto. Sen fundamaint da chegl eran igls Sursilvans igls favorits dumengia passada a Tinizong.
Beat Wasescha tigna en penalti
Antschet ō igl gi tot oter tgi bagn pigl CB Surses. Gist dus colps libers da Trun/Rabius on procuro per en mument malchiet ainten la zona da castei digls indigens. Tiers tgi igls Sursilvans on domino las ampremas 15 minutas on els betg gia ena schanza concreta da marcar igl 1:0. Igl CB Surses dantant ō gia dei da sa cattar tar igl gi e chegl er siva 20 minutas. Igls defensours digls hosps on controllo igl gi uscheia tgi igls attatgeders digl CB Surses čn betg nias tar en bung schoz. Ainten la 27. minuta č crudo igl unic gol digl gi e chegl siva den corner. Manuel Mareischen ō tratg digl cantun en bel schoz ainten la zona da castei digls Sursilvans. Digl dies da Sascha Janutin č la balla crudada an ena maniera u lotra aint igl gol. Igls giasts dalla Surselva on dalunga reagea siva digl 1:0 digl CB Surses e fatg daple squitsch. Treis minutas avant la fegn dallamprema mesadad ō igl arbiter do en penalti cunter lequipa da tgesa. Cun ena bela parada ō Beat Wasescha igl goli digl CB Surses tignia igl penalti.
Dus gedas tutgia la pitga
Pac siva tgi la sagonda mesadad ō scumanzo ō igl CB Surses gia cun Manuel Mareischen loccasiun da far igl 2:0. Agl giuieder da mez č pero betg reuschia da profitar digl sbagl digl goli sursilvan. Tar igl CB Surses č sa musso veapi fitg tgi mantga en reschissour da mez tgi magna igl gi. Crudo an îgl č persiva tgi lantiera equipa ō giuia cun angaschamaint. Sen fundamaint dallas bleras schanzas vess Trun/Rabius gia da far ainten la sagonda mesadad igl pari. Gist dus gedas on igls Sursilvans angal tutgia la pitga e gia disfurtegna. Igl pi grond cletg ō igl CB Surses dantant gia ainten la 56. minuta. En schoz da Fadri Demarmels č ia angal per centimeters dasper igl agen gol. En ulteriour mussamaint tgi igls indigens on veirmaintg gia igl cletg dalla sia vart ainten chel gi. Vers la fegn dalla parteida on igls Sursilvans augmento igl tempo e la consequenza da chegl č tgi aint igl gi č nia veapi hectica. Igl CB Surses č sa defendia an tot las modas e manieras ed alla fegn gudagnea igls amprems treis puncts ainten la runda da premaveira. Ossa valigl pero da piglier igl positiv da chel gi e cuntinuar uscheia sonda proxima orsoura cunter Sedrun, igl davos dalla tabella. Per batter adversaris pi ferms dovrigl dantant anc ena miglra tenuta, pertge gist adegna varo igl CB Surses betg igl cletg da dumengia passada.